2025-mi januaarimi suliffissarsiortutut nalunaarsukkat

2025-mi januaarimi suliffissarsiortutut nalunaarsukkat 2.159-inik amerlassuseqarput. Ukiup siuliani nalunaarsukkanut sanilliullugit suliffissarsiorlutik nalunaarsimasut 336-nik amerlanerupput.

 

Tabel 1. Januaarimi suliffissarsiortutut nalunaarsukkat, najugaqarfik sumiiffillu malillugit

	2024			2025
	Katillugit	Illoqarfinni	Nunaqarfinni	Katillugit	Illoqarfinni	Nunaqarfinni
Katillugit......	1.823	1.429	394	2.159	1.691	468
Nanortalik.....	69	37	32	93	52	41
Qaqortoq......	114	106	8	108	96	12
Narsaq.......	113	111	2	130	125	5
Paamiut.......	64	60	4	53	48	5
Nuuk.........	307	294	13	414	404	10
Maniitsoq......	126	108	18	91	72	19
Sisimiut.......	168	149	19	105	86	19
Kangaatsiaq...	90	16	74	104	41	63
Aasiaat.......	150	144	6	118	111	7
Qasigiannguit...	29	27	2	49	46	3
Ilulissat.......	130	113	17	274	260	14
Qeqertarsuaq...	71	70	1	46	46	0
Uummannaq...	78	52	26	90	62	28
Upernavik.....	105	27	78	178	50	128
Qaanaaq......	28	25	3	30	24	6
Tasiilaq.......	174	83	91	274	166	108
Ittoqqortoormiit..	7	7	…	2	2	…

Najoqqutaq: Naatsorsueqqissaartarfik – kisitsisaataasivimmi kisitsisit takukkit (https://bank.stat.gl/arnled1).

 

Suliffissarsiorlutik nalunaarsukkat saqqummersinneqartarput kommuninut suliffissarsiorsimasut tunngavigalugit. Qaammammi inuk ataaseq suliffissarsiortutut naatsorsugaasarpoq, qaammatip ingerlanerani ataasiarluni arlaleriarluniluunniit nalunaarsorneqarsimanera apeqqutaatinnagu. Suliffissarsiortutut nalunaarsukkat qaammatikkaartumik saqqummersinneqartarput. Allaffissornikkut inatsisitigullu allannguinerit piffissap ingerlanerani suliffissarsiortut nalunaarsuutaasa ineriartornerannut sunniuteqarsinnaanerat eqqumaffigineqassaaq.

 

2024-mi januaarip aallaqqaataani suliffissarsiortunut ikiorsiissuteqartarnermut Inatsisartut inatsisaat atuutsinneqalerpoq. Inatsit nutaaq innuttaasut aalajangersimasut aningaasaqarnikkut atukkat tunngavigalungit suliffissarsiortutut nalunaarsorneqarsinnaalernerannik malitseqarpoq.

 

 

Tabel 2. Januaarimi suliffissarsiortutut nalunaarsukkat, ukiut, najugaq suiaassuserlu malillugit

	Katillugit			Illoqarfinni			Nunaqarfinni
	Angutit	Arnat	Katillugit	Angutit	Arnat	Katillugit	Angutit	Arnat	Katillugit
Katillugit	1.236	923	2.159	1.005	686	1.691	231	237	468
18-19 ukiullit.....	66	64	130	48	44	92	18	20	38
20-24 ukiullit.....	132	131	263	90	86	176	42	45	87
25-29 ukiullit.....	133	127	260	102	89	191	31	38	69
30-34 ukiullit.....	139	117	256	110	86	196	29	31	60
35-39 ukiullit.....	130	94	224	114	77	191	16	17	33
40-44 ukiullit.....	124	83	207	104	66	170	20	17	37
45-49 ukiullit.....	86	61	147	75	49	124	11	12	23
50-54 ukiullit.....	99	67	166	84	49	133	15	18	33
55-59 ukiullit.....	160	104	264	139	77	216	21	27	48
60-66 ukiullit.....	167	75	242	139	63	202	28	12	40

Najoqqutaq: Naatsorsueqqissaartarfik – kisitsisaataasivimmi kisitsisit takukkit (https://bank.stat.gl/arnled2).

 

Titartakkami ataaniittumi takutinneqarput suliffissarsiortutut nalunaarsukkat amerlassusiisa allanngorarnerat, ukiumi siuliani nalunaarsukkanut sanilliullugu.

 

Titartagaq 1. Naatsorsuiffiit ingerlanerini suliffissarsiortutut nalunaarsukkat amerlassusiisa allanngorarnerat

 

Ataani titartakkami takutinneqarpoq qaammammut suliffissarsiortutut nalunaarsorsimasut amerlassusaat.

 

Titartagaq 2. Qaammammut suliffissarsiortutut nalunaarsorsimasut amerlassusaat

Najoqqutaq: Naatsorsueqqissaartarfik – kisitsisaataasivimmi kisitsisit takukkit (https://bank.stat.gl/arnledma).

 

Sulilernissamut piareersimassuseq

Suliffissarsiortutut nalunaarsukkat sulilernissamik piareersimassusaat malillugu pingasunut immikkoortinneqarput:

Immikkoortoq 1: Sulilernissamut piareersimasut.

Immikkoortoq 2: Sulilernissamut piareersartarialli.

Immikkoortoq 3: Sulinngikkallartut.

Sulilernissamut qanoq piareersimatiginermi immikkoortiterinermut allaffissornikkut allannguutit nalunaarsukkat ineriartornerannut sunniuteqarsinnaanerat sillimaffigineqassaaq. Sulilernissamut qanoq piareersimatiginermut nalunaarsuutit kisitsisaataasivimmi: https://bank.stat.gl/arnledma -mi nassaarineqarsinnaapput.

 

Qaammat januaarimi suliffissarsiortutut nalunaarsorsimasut 84,8 pct.-ii 1.831-nik amerlassuseqartut sulilernissamut piareersimasutut nalunaarsorsimapput. Sulilernissamut qanoq piareersimatiginermi immikkoortiterinerni allani nalunaarsorsimasut amerlassusaat annikitsuinnarmik nikingapput. Kommunit akornanni nalunaarsuinermi immikkoortiterisarnerit assigiinngiiaarsinnaanerisa piffissap ingerlanerani ineriartornermut sunniuteqarsinnaanerat eqqumaffigineqassaaq.

 

Kisitsisaataasivik

Kisitsisit qulaani takutinneqartut Naatsorsueqqissaartarfiup kisitsisaataasiviani nittartakkami: www.stat.gl –imi nassaarineqarsinnaapput. Kisitsisaataasivimmi nammineq tabelinik ilusilersuinissannut periarfissaqarputit. Annertunerusumik paasisaqarnerorusuttut Anders Blaabjerg oqarasuaat 34 57 81 (toqqaannartoq) atorlugu saaffigisinnaavaat.